Wakil mistry nahiN

Ai qanoon key daa-o-pech paitrey waale
Tu hargiz pehalwaan se kuch zyada nahiN
DonoN hu-ner-man mistry a-khaarey ke
Jaang thokney dhaj-jiyaN uraney sey chaara nahiN

Joro jafa sey merta nahiN hai dil

Joro jafa se marta nahiN hai dil
tadapta sakraat mein rehta hai dil
Na tod har giz kabhi dil insaan ka
Eiza-e-Khuda hai ai Baz eiza-e-dil

Eiza=torture, tadapta=writhing in pain, sakraat=। The extreme pain at the time of death

Maidan-e-jung meiN bistar bichaye

Tu ger zalim ko zulm se na daraye
Luqmaa narm na banaaye to kya karey
Maiddan-e-jung meiN ger to bistar aa-bichaaye
Tareeq Khudaa aye Baaz karey to kya karey

Reedh ki haddi

Kya faasiq meiN istiqaamat nahiN
Riidh ki haddi mein taaqat nahiN
Jafa mein baaz wafa se lambi umideiN

Soz,gdaaz,riqqat-o rifaqat nahiN

Bismil hai rage-jaan

Paisa hai mazhab paisa hai imaan
Paisa hi zamiin paisa hi aasmaan
Bismil hai rag-e-jaan hur waqt
Pasia pey hai jahaan qurbaan

Phool bhi hai khaar mein

KateiN bahot, kya phool bhi hai khaar meiN
shukr bahot, kya bahaar bhi hai naar meiN
Bojh bahot, kya kum hai wazan baar meiN
Nazar khum ker aye baaz Rehmat Qahaar meiN

Aaj dil hai khamosh, nahiN hua goyaa

Aaj dil hai khamosh, nahiN hua goyaa
Baz khwaab mein apney hai goya khoya

Hush with your steps
My heart is silent today
Sleeping in its own dreams
After a weary journey
My pen in the cradle
With its fallen crest

Ek Nargis Aur

Sajaaey rakhey Allah Baaz key dil-e natawaaN ko
Na kaheingey ab aur nahiN, ker situm aur sahii
Ek nargis aur, ek moti aur merey naaz-o-taaj ko
Merey khaak pey ek jafa aur ek situm aur sahii

Apney Kafan Mein

Baaz ko na laga kabhi who hai apney watan meiN
Mufroor ek mujrim hai shikasta per ghair watan meiN
Shah baaz ko saamna hur dum munkar nakeer sey

Hai goya gor meiN akeilaa apney kafan meiN

baaz bey-jaan ko sitam o bhook ki perwaah nahiN

Kehtey hain who jinheiN zabaan taalu o dandaan sey kaam hai
Shah baaz bey-jaan ko sitam o bhook ki perwaah nahiN

Her lahza Rub ney khilaaya lab-e-jaan tak
Yeh aur hai key zabaan ko lazzat-o-chaah ki perwaah nahiN

ZillatoN, thokroN, bohtaanoN sey sajaya mujhey
Ab nang-o-naam nazr-e-iltifaat ki perwaah nahiN

Kehtey haiN si-tum sey apna rishtaa woh jo sher ko bhook sey
Shikaar bana tu ajal sey humey kuch parwaah nahiN

Dil ki aahni khirkioN ko kholaa isney behisht meiN
Ab kaat key paaoN aur darwaazoN ki perwaah nahiN

Pech-o-khum sey humsaaya huey hum apney lahadoN ke aakhir
WaaN pursaan-e-haal nahiN yahaN kisiko parwaah nahiN

Thamta nahiN raqs lahoo-e-qalam ka

Thamta nahiN raqs lahoo-e-qalam ka
Yeh dil ke aah-o-zaari ka tarannum hai
yeh aaina merey Mughni key ghana ka
Ansoo motioN ka ai Baaz chashm pur-namm ka!
Isey shairee na kehna
********************************
This is a prance of my bleeding pen
Notes and spurts of my shattering heart
Mirroring my Enricher's boon
Generous eyes shedding thorny tears!
Please don't call it a poetry!

MunsifoN mein insaaf-o-haibat nahiN

MunsifoN mein insaaf-o-haibat nahiN
AalimoN mein pairahan amal nahiN
Chain kahaN sey aye maamtaa-e-chaman ko
JaaNbaazoN mein yaqeen-e-jurrat nahiN

Ker qalb meiN who saleem o soz paida

Ker qalb meiN who saleem o soz paida
Zikr mein fikr faham kuch ehsaas paida
Kufr jihaad sey kaam kya fasiq saNgh ko
Ker rabb sey taaluqu-e-ehsaaN paida

Ai baaz, soorishey baad sey na der

Yaqeen nahiN Allah pey tujhey
Jalayaa usney, kyoN tu bujhey
Ai baaz, soorishey baad sey na der

Kya sahil sey na takraya tujhey

Dekha namaaz rozaa be-zar

Dekha namaaz rozaa be-zar
Umrah hajj ek rangeen safar
Woh rahey saraapa shaitan
Hum rahe diwane khuN-gar

Main dhoond raha tha hazrat-e insaanN ko in key dhun meiN

ChuntiyaaN thiN rawaN dawaN ek dhun meiN
Labaalab tha bazaar bhaNwar ek dhun meiN
Uth rahiN thiN sadaaeiN minaroN sey ek dhun meiN
Namaazi saj-daah bey-kaif meiN gardaN ek dhun meiN
So rahaa tha jahaaN na jaaney kahaaN ek dhun meiN
Main dhoond raha tha hazrat-e insaanN ko in key dhun meiN